சிகரம்

கவிக்குறள் - 0001 - உடையது அறிவாம் !

பதிவர் : மானம்பாடி புண்ணியமூர்த்தி on 2018-01-08 23:11:57

அதிகாரம்.43.
அறிவு உடைமை.


*****


அறிவுடையார் எல்லாம் உடையார் அறிவிலார் 

என்னுடைய ரேனும் இலர்.

(குறள்.430.)


****


உடையது அறிவாம் !


****




அனைத்துமே
உடையாரிந்த
அவனியில்
எவரோஉள்ளார் ?
ஒன்றுமே
குறைகளில்லார்
ஒருவரும்
இல்லைதானே !

எத்தனை
வகையாய்இங்கே
இருக்கின்ற
வசதியெல்லாம்
மொத்தமாய்த்
தமதாய்க்கொண்டு
முழுமைகள்
அடைந்தாரில்லை ,

இப்பெரும்
உலகந்தன்னில்
எல்லாமே
பெற்றுவாழ்வோர்
நிச்சயம்
உள்ளாரென்று
நீதிநூல்
குறளில்சொன்னான் ,

அறிவினை
உடையாரிங்கே
அனைத்துமே
உடையாரென்று
திடமுடன்
சொல்லிநம்மைத்
தெளிவுடன்
வாழச்சொன்னான்,

அழிந்திடும்
பொருட்களெல்லாம்
நிரந்தரச்
செல்வமில்லை
உயர்வினைத்
தருவதாலே
அறிவதே
செல்வமென்றான் !

 

***


மானம்பாடி புண்ணியமூர்த்தி .
01. 01. 2018.


கவிக்குறள் - 0001 - சிகரம் 






குறிச்சொற்கள்: #திருக்குறள்
கருத்துக்கள்
உங்களின் கருத்துக்கள் வரவேற்கப்படுகிறது

Create Account



Log In Your Account